ഇത് വണ്ടന്‍മേട് ഗ്രാമപഞ്ചയാത്തിന്‍റെ ഔദ്യോഗിക വെബ്സൈറ്റാണ്
ഓപ്പറേഷൻ തൂഫാൻ 2.0

ലഹരിവിരുദ്ധ ബോധവത്കരണ പ്രവർത്തനം

ഓപ്പറേഷൻ തൂഫാൻ 2.0

ലഹരിമുക്ത സമൂഹത്തിനായി ഒരു കൂട്ടായ മുന്നേറ്റം

ഓപ്പറേഷൻ തൂഫാൻ 2.0 ലഹരി ഉപയോഗവും ലഹരി വസ്തുക്കളുടെ വ്യാപനവും തടയുന്നതിനായി നടപ്പാക്കുന്ന ലഹരിവിരുദ്ധ പ്രവർത്തനങ്ങളുടെ രണ്ടാംഘട്ടമാണ്. തദ്ദേശ സ്വയംഭരണ സ്ഥാപനങ്ങൾ, പോലീസ്, വിവിധ സർക്കാർ വകുപ്പുകൾ, വിദ്യാഭ്യാസ സ്ഥാപനങ്ങൾ, കുടുംബശ്രീ, ആരോഗ്യ പ്രവർത്തകർ, സന്നദ്ധ സംഘടനകൾ, യുവജന–ക്ലബ് കൂട്ടായ്മകൾ എന്നിവയുടെ സഹകരണത്തോടെ വാർഡ് തലത്തിൽ ലഹരിവിരുദ്ധ പ്രവർത്തനങ്ങൾ ശക്തിപ്പെടുത്തുക എന്നതാണ് പ്രധാന ലക്ഷ്യം.
പ്രധാന പ്രവർത്തനങ്ങൾ
01

യുവാക്കളെയും വിദ്യാർത്ഥികളെയും ലഹരിയിൽ നിന്ന് സംരക്ഷിക്കുകയും ലഹരിവിരുദ്ധ ബോധവത്കരണം ശക്തമാക്കുകയും ചെയ്യുക.

02

ലഹരി ഉപയോഗിക്കുന്നവരെ ആവശ്യമായ കൗൺസലിംഗ്, ചികിത്സ, പുനരധിവാസം എന്നിവയിലേക്ക് എത്തിക്കുക.

03

ലഹരി വിതരണത്തിനെതിരെ പൊതുജന പങ്കാളിത്തം ഉറപ്പാക്കുകയും ബന്ധപ്പെട്ട സംവിധാനങ്ങളുമായി സഹകരിക്കുകയും ചെയ്യുക.

04

തദ്ദേശ സ്ഥാപനങ്ങൾ, പോലീസ്, ആരോഗ്യ–വിദ്യാഭ്യാസ മേഖലകൾ, കുടുംബശ്രീ, ക്ലബ്ബുകൾ, സന്നദ്ധ സംഘടനകൾ എന്നിവയുടെ കൂട്ടായ പ്രവർത്തനം ശക്തിപ്പെടുത്തുക.

ഓപ്പറേഷൻ തൂഫാൻ 2.0 ലക്ഷ്യം: ലഹരിമുക്തവും സുരക്ഷിതവുമായ ഒരു സമൂഹം 

 

vmd